(واشنگٹن) امریکا کے سابق صدر جارج ڈبلیو بش نے غیر دانستہ طور پر عراق کے حملے کو ’ظالمانہ‘ اور ’غیر منصفانہ‘ قرار دینے کے بعد اپنی تصحیح کرتے ہوئے کہا کہ ان کا مطلب یوکرین پر روس کا حملہ ہے۔ خبر رساں ادارے ’رائٹرز‘ کے مطابق ڈلاس میں ایک تقریب سے خطاب کے دوران روسی سیاسی نظام پر تنقید کرتے ہوئے انہوں نے یہ تبصرہ کیا۔ جارج بش نے کہا کہ یہ روس میں چیک اینڈ بیلنس کی غیر حاضری کا نتیجہ ہے اور عراق پر مکمل طور پر بلاجواز اور وحشیانہ حملہ کرنا ایک شخص کا فیصلہ ہے، غلطی ظاہر کرنے کے طور پر اپنا سر ہلاتے ہوئے ان کا کہنا تھا کہ ’ میرا مطلب یوکرین‘ ہے۔ انہوں نے مزاحیہ طور پر اپنی عمر کو ذمہ دار ٹہھرایا جس پر انہیں سننے والے ہنستے ہوئے دیکھائی دیئے۔ 2003 میں جب جارج ڈبلیو بش امریکا کے صدر تھے تو انہوں نے بڑے پیمانے پر تباہی پھیلانے والے ہتھیاروں کی موجودگی وجہ سے عراق پر حملہ کیاتھا تاہم وہ ہتھیار کبھی نہیں ملے۔ طویل دورانیہ تصادم میں ہزاروں شہری ہلاک ہوئے تھے جبکہ متعدد نقل مکانی کر گئے تھے۔
Speaking in Dallas this afternoon, former President George. W Bush made a significant verbal slip-up while discussing the war in Ukraine.
He tried referencing what he described as the “wholly unjustified and brutal invasion” — but said Iraq, instead of Ukraine. pic.twitter.com/tw0VNJzKmE
— Michael Williams (@michaeldamianw) May 19, 2022
جارج بُش کے ریمارکس فوری طور پر سوشل میڈیا پر وائرل ہونے اور ڈلاس نیوز کے رپورٹر کی پوسٹ کو لاکھوں افراد نے دیکھا۔ سابق امریکی صدر نے یوکرین کے رہنما ویلادیمیر زیلنسکی کا موازنہ برطانیہ کے جنگ کے وقت کے رہنما ونسٹن چرچل سے بھی کیا، جبکہ فروری میں یوکرین پر حملہ کرنے پر روسی صدر ولادیمیر پیوٹن کے عمل کی مذمت کی۔
