کولگام: جموں و کشمیر کے ضلع کولگام کے علاقے گوپال پورہ ہائی اسکول میں ایک خاتون ٹیچر پر نامعلوم عسکریت پسندوں نے گولی چلائی ۔ اس حملے میں خاتون شدید زخمی ہوئی ہے۔ بعد ازاں ہاسپٹل منتقل کرنے کے دوران وہ زخموں کی تاب نہ لاکر فوت ہوگئی ہے۔ ایک اہلکار نے بتایا کہ عسکریت پسندوں نے ہائی اسکول گوپال پورہ کولگام میں ایک لیڈی ٹیچر پر گولی چلائی جس سے وہ شدید زخمی ہوگئیں۔ انہوں نے بتایا کہ اسے فوری طور پر ضلع اسپتال کولگام منتقل کیا گیا جہاں ڈاکٹروں نے اسے مردہ قرار دیا۔مقتول ٹیچر کی شناخت رجنی کے طور پر کی گئی ہے جو سامبا ضلع کے راج کمار کی بیوی ہے۔انہوں نے مزید کہا کہ حملہ آوروں کو پکڑنے کے لیے علاقے کو گھیرے میں لے لیا گیا ہے۔کشمیر زون پولیس نے اس بات کی تصدیق کی، انہوں نے اپنے ایک ٹویٹ میں کہا کہ متوفی خاتون سامبا کی رہنے والی ہیں ۔انہوں نے کہا کہ اس حملے میں ملوث عسکریت پسندوں کی جلد شناخت کی جائے گی.
