کپواڑہ: شمالی کشمیر ضلع کپواڑہ کے چکتراس کنڈی میں دو عسکریت پسند بشمول ایک پاکستانی عسکریت پسند مارا گیا ہے۔ بتایا جارہا ہے کہ لشکر طیبہ کے دو عسکریت پسند بشمول ایک پاکستانی عسکریت پسند طفیل مارا گیا۔
ابتدائی اطلاعات کے مطابق پولیس اور فوج کی ایک مشترکہ ٹیم نے کنڈی میں محاصرے اور تلاشی کی کارروائی جاری رکھی ہے۔پولیس نے بتایا کہ جیسے ہی فورسز کی مشترکہ ٹیم مشتبہ مقام کی جانب پہنچی تو چھپے ہوئے عسکریت پسندوں نے فورسز پر گولی چلائی جس سے فائرنگ کا تبادلہ شروع ہوگیا۔
آئی جی پی کشمیر کے مطابق علاقہ میں تلاش جاری ہے۔ اس ضمن میں ابھی مزید تفصیلات کا انتظار ہے۔
