جموں//جموں و کشمیر کے لیفٹیننٹ گورنر منوج سنہا بدھ کے روز جموں کے سانبہ ضلع پہنچے اور وہاں پر ملی ٹینٹوں کے ہاتھوں قتل کی گئی خاتون استانی رجنی بالا کے اہل خانہ سے ملاقی ہوئے۔
موصوف لیفٹیننٹ گورنر نے مہلوک استانی کے والدین و دیگر اہل خانہ کو تعزیت پیش کی۔
اس موقع پر ضلع کے دیگر اعلیٰ عہدیداران بھی ان کے ہمراہ تھے۔
ایل جی منوج سنہا نے اہل خانہ کو یقین دلایا کہ اُن کی ہر سطح پر مدد فراہم کی جائے گی۔
اس موقع پر نامہ نگاروں سے بات چیت کے دوران رجنی بالا کے شوہر نے بتایا کہ لیفٹیننٹ گورنر سبھی مانگوں کو پورا کرنے کا یقین دلایا ہے۔
بتادیں کہ 31مئی کے روز ضلع کولگام میں مشتبہ ملی ٹینٹوں نے رجنی بالا نامی ہندو خاتون استانی پر نزدیک سے گولیاں چلائیں جس وجہ سے اُس کی برسر موقع ہی موت واقع ہوئی۔
