جموں: بارڈر سیکیورٹی فورس (بی ایس ایف) نے جمعرات کی علی الصبح جموں میں بین الاقوامی سرحد کے قریب ایک مشتبہ پاکستانی ڈرون پر فائرنگ کی، جس سے اسے پیچھے ہٹنا پڑا۔ افسران نے یہ معلومات دی ہے۔ ان کا کہنا تھا کہ علاقے کی مکمل تلاشی لی جا رہی ہے تاکہ اگر ڈرون نے کوئی ہتھیار گرایا یا دھماکہ کیا تو اس کا فوری پتہ لگایا جا سکے۔ بی ایس ایف کے ایک ترجمان نے کہا کہ صبح تقریباً 4.15 بجے ارنیا علاقے میں ایک لائٹ آن اور آف کرتی ہوئی دیکھی گئی، جس پر ڈرون ہونے کا شبہ ہے۔
انہوں نے کہا کہ بی ایس ایف اہلکاروں نے تقریباً 300 میٹر کی بلندی پر اڑنے والی چیز پر فوری گولی چلائی، جس سے اسے واپس جانے پر مجبور ہونا پڑا۔ انہوں نے کہا کہ جموں خطے میں بین الاقوامی سرحد پر ڈرون کے ذریعے پاکستان اور عسکری تنظیموں کو اسلحہ، گولہ بارود اور دھماکہ خیز مواد کی اسمگلنگ کے واقعات کے بارے میں سیکورٹی فورسز چوکس ہیں۔ سیکورٹی فورسز نے حال ہی میں جموں، کٹھوعہ اور سامبا سیکٹر میں کئی ڈرونز کو مار گرایا ہے، جن میں رائفلیں، آئی ای ڈی، منشیات اور سٹک بم ملے ہیں۔ پولیس نے پیر کو جموں کے اکھنور سرحدی علاقے میں ڈرون کے ذریعے گرائے گئے تین مقناطیسی آئی ای ڈیز بھی برآمد کیے۔ بی ایس ایف نے ہی اس ڈرون کو مار گرایا تھا۔ اس سے قبل 29 مئی کو پولیس نے کٹھوعہ ضلع کے راج باغ علاقے میں ڈرون کے ساتھ سات سٹک بم اور کئی انڈر بیرل گرینیڈ (یو بی جی) برآمد کیے تھے۔
