سرینگر: جموں و کشمیر پردیش کانگریس کمیٹی (جے کے پی سی سی) کے صدر غلام احمد میر نے بدھ کے روز اپنے عہدے سے استعفیٰ دے دیا۔ پارٹی کے ایک سینیئر لیڈر نے اس حوالے سے ای ٹی وی بھارت کو بتایا کہ "میر نے آٹھ برس تک پارٹی کی ریاستی اکائی کے سربراہ کی حیثیت سے خدمات انجام دینے کے بعد آج استعفیٰ دے دیا ہے۔”
اُن کا مزید کہنا تھا کہ "میر نے اپنا استعفیٰ آل انڈیا کانگریس کمیٹی کی صدر سونیا گاندھی کو بھیج دیا ہے اور اب اُن کے فیصلے کا انتظار کر رہے ہیں۔” ذرائع کے مطابق جے کے پی سی سی کا نیا صدر جلد ہی مقرر کیا جائے گا۔ پارٹی نے پہلے ہی عمل مکمل کر لیا ہے اور لیڈران سے تجاویز طلب کی گئی ہیں۔
