بڈگام: کشمیر کے صوبائی کمشنر پی کے پولے نے آج وسطی کشمیر کے ضلع بڈگام کے مرکزی امام باڑہ کا دورہ کیا۔ دورے کے دوارن موصوف نے محرم الحرام کی مناسبت سے تمام تر انتظامات کا جائزہ لیا۔ اس دوران ان کے ہمراہ ضلع افسران بھی موجود تھے۔ ڈویژنل کمشنر کشمیر نے تمام افسران کو ہدایت دی کہ وہ محرم کے مقدس ماہ کے پیش نظر تمام تر انتظامات مکمل کریں تاکہ لوگوں کو ان ایام میں کسی طرح کے مشکلات پیش نہ آئیں۔
محرم الحرام کے جلسے جلوس نکالنے کی اجازت صرف مخصوص راستوں پرمیڈیا سے بات کرتے ہوئے موصوف نے کہا کہ محرم کے جلسے جلوس نکالنے کی اجازت صرف انہی راستوں پر ہوگی جو کہ پہلے سے ہی منظور شدہ ہیں۔ محرم کے جلوسوں کے حوالے سے مناسب سطح پر فیصلے کیے گئے ہیں۔ محرم کے جلوسوں کو صرف پہلے سے اجازت یافتہ راستوں پر ہی اجازت دی جائے گی۔ ایسے میں تمام متعلقہ سے درخواست کی گئی ہے کہ وہ صرف ان جگہیوں پر ہی سے جلوس نکالیں، جہاں اجازت دی گئی ہے۔
محرم الحرام سے ہجری سال کا آغاز ہوتا ہے اور محرم الحرام قمری سال کا پہلا مہینہ ہے۔ اس مہینے میں واقعہ کربلا میں امام حسین علیہ السلام اور آپ کے اصحاب و انصار کی شہادت ہوئی ہے۔ اہل تشیع ہر سال محرم کے مہینے میں عزاداری اور غم مناتے ہیں۔
