بڈگام//جموں وکشمیر پولیس نے پیر کے روز وسطی کشمیر کے بڈگام ضلع میں اقلیتی برادری پر گرینیڈ حملے میں ملوث ایک اور ہائبرڈ جنگجو کو گرفتار کرنے کا دعویٰ کیاہے۔
کشمیر زون پولیس نے ایک ٹویٹ کر کے بتایا،”بڈگام میں اقلیتی طبقہ کے لوگوں پر گرینیڈ حملے کے ایک معاملے میں ایک اور ملی ٹینٹ کو گرفتار کیا ہے”۔
بتا دیں کہ (20 اگست) کو بھی اسی معاملے میں 02 ہائبرڈ ملی ٹینٹوں کو گرفتار کیا گیا تھا۔ مذکورہ کیس ایف آئی آر نمبر 147/2022 کی مزید تفتیش کے دوران، بڈگام پولیس نے آج لشکر طیبہ کے ایک اور ہائبرڈ عسکریت پسند کو گرفتار کیا ہے جو اقلیتوں پر گرینیڈ حملے میں ملوث ہے”۔
پولیس ترجمان نے بتایا کہ گرفتار ہائبرڈ ملی ٹینٹ کے قبضے سے مجرمانہ مواد اور ایک ہینڈ گرینیڈ برآمد کیا گیا ہے۔
انہوں نے بتایا کہ گرفتار ہائبرڈ جنگجو کی شناخت سہیل احمد ملک ولد عبدالحمید ملک ساکنہ پنجان چاڈورہ کے طور پر کی گئی ہے۔
بیان میں کہا گیا ہے کہ مذکورہ کیس کی مزید تفتیش جاری ہے اور مزید گرفتاریاں بھی متوقع ہیں۔
