امت نیوز ڈیسک //
سرینگر:پیپلز ڈیموکریٹک پارٹی کے جنرل سکریٹری غلام نبی لون ہانجورہکے بیٹے ایڈوکیٹ مظفر نبی لون نے غلام نبی آزاد کی نئی پارٹی ڈیموکریٹک آزاد پارٹی میں شمولیت اختیار کی ہے۔
ایڈوکیٹ مظفر نے کہا کہ اس سلسلے میں ڈی اے پی سے بات چیت پہلے سے ہی چل رہی تھی اور گذشتہ روز انہوں نے سرینگر میں آزاد سے ملاقات کی اور باضابطہ طور پر پارٹی میں شمولیت اختیار کی۔
انہوں نے مزید کہا کہ وہ طویل عرصے سے سیاست سے وابستہ ہے اور ان کی پی ڈی پی یا اپنے خاندان سے کوئی دشمنی نہیں ہے، لیکن نظریاتی اختلافات کی وجہ سے انہوں نے ڈی اے پی میں شامل ہونے پر مجبور کیا۔میرا ماننا ہے کہ جموں و کشمیر میں موجودہ سیاسی خلا کو پُر کرنے کی صلاحیت صرف غلام نبی آزاد میں ہے۔
