امت نیوز ڈیسک //
سرینگر:رشی سونک نے بکنگھم پیلس میں بادشاہ چارلس سے ملاقات کے بعد برطانیہ کے پہلے بھارتی نژاد وزیر اعظم بن گئے ہیں۔ اس سے قبل برطانیہ کی سبکدوش ہونے والی وزیر اعظم لز ٹرس نے ڈاؤننگ اسٹریٹ سے الوداعی تقریر میں اپنے جانشین کی کامیابی کے لیے نیک خواہشات کا اظہار کیا۔ اس کے ساتھ ہی انہوں نے اپنے دور اقتدار کی کچھ کامیابیوں کی بھی تعریف کی ہے۔
پیپلز ڈیموکریٹک پارٹی کی صدر اور سابق وزیر اعلیٰ محبوبہ مفتی نے برطانیہ میں پہلے بھارتی نژاد رشی سونک کے وزیر اعظم منتخب ہونے کو ملک بھر کے لیے قابل فخر لمحہ قرار دیا۔
محبوبہ مفتی نے ٹویٹ کرتے ہوئے کہا کہ ایک جانب برطانیہ میں اقلیتی نسل سے وابستہ شخص وزیر اعظم بنتا ہے تو دوسری جانب ہمارا ملک اب بھی تفرقہ انگیز اور امتیازی قوانین میں الجھے ہوئے ہیں۔
محبوبہ ٹویٹانہوں نے مزید کہا رشی سونک کے وزیر اعظم بنے پر بھارت نے بجا طور پر جشن منایا تاہم "ہمیں یہ یاد رکھنا ہوگا کہ جب برطانیہ نے ایک نسلی اقلیتی شخص کو اپنا وزیر اعظم بنایا تو ہم ابھی تک این آر ایس اور سی اے اے جیسے تفرقہ انگیز اور امتیازی قوانین میں جکھڑے ہوئے ہیں۔
مقررواضح رہے کہ گزشتہ روز برطانیہ کی حکمران کنزرویٹو پارٹی کے لیڈر کی دوڑ میں شامل سابق وزیر خزانہ اور بھارتی نژاد رشی سونک کی حریف پینی مورڈانٹ کے پی ایم ریس سے پیچھے ہٹنے کے بعد سونک کو پارٹی کے نئے رہنما کے طور پر اعلان کیا گیا۔ کنزرویٹو پارلیمانی پارٹی کی 1922 کی کمیٹی کے چیئرمین سر گراہم بریڈی نے سونک کے لیڈر کے طور پر انتخاب کا اعلان کیا۔قابل ذکر ہے کہ رشی سونک برطانیہ کے پہلے سیاہ فام وزیر اعظم ہے اور وزیر اعظم کی رہائش گاہ ڈاؤننگ اسٹریٹ کے پہلے ہندو شخص ہوں گے۔ سونک کو کنزرویٹو پارٹی کی پارلیمانی پارٹی کے 180 ارکان کی اعلانیہ حمایت حاصل تھی، جب کہ محترمہ پینی مورڈونٹ 100 ارکان کی حمایت حاصل نہ کر سکیں جس کی وجہ سے انہیں وزارت عظمیٰ کی دوڑ سے باہر ہونا پڑا۔
