امت نیوز ڈیسک //
سرینگر:سرینگر میں قائم 15 کور (چنار کور) کے جنرل آفیسر کمانڈنگ (جی او سی)، لیفٹیننٹ جنرل امردیپ سنگھ اوجلا نے کہا کہ کشمیر میں مجموعی طور پر سکیورٹی صورتحال بہتر ہے۔انہوں نے کہا کہ ایل او سی پر بھی صورتحال صحح ہے۔ انہوں نے کہا کہ امسال جموں و کشمیر میں سیاحوں کی آمد کافی زیادہ رہی ہے جس سے صاف ظاہر ہوتا کہ کشمیر میں نارملیسی ہے۔
جی او سی نے کہا کہ امسال جموں و کشمیر میں عسکریت پسندی میں کمی آئی ہے اور جموں و کشمیر میں عسکریت پسندوں کی لیڈر شپ کو ختم کر دیا گیا ہے۔ابھی بھی کچھ چیزیں باقی ہے جن کو بہتر کرنے کی ضرورت ہے اور اس کے لیے سکیورٹی فورسز کام کر رہی ہے اور آنے والے وقت میں جموں و کشمیر کی صورتحال میں اور بہتر آئی گی۔
لیفٹیننٹ جنرل امردیپ سنگھ اوجلا نے کہا کہ پاکستان کی جانب سے سرحد پار دراندازی کی کوشش جاری ہے ۔ فوج ان درندازی کی کوشش کو ناکام بنانے میں لگے ہوئے ہیں ۔انہوں نے کہا عوام میں فوج نے اعتماد پالیا اور عوام اب شانہ بشانہ فوج کے ساتھ کام کرتی ہے۔
جنگ بندی کے سوال کا جواب دیتے ہوئے فوجی افسر نے کہا کہ اس سال جنگ بندی کی خلاف ورزی کم ہوئی ہے اور فوج نے دفاعی تیاریوں میں اضافہ کیا ہے جس سے فوج اور زیادہ مضبوط ہوئی ہے۔
ہائی برڈ عسکریت پسندی پر بات کرتے ہوئے جی او سی 15 ویں کور نے کہا کہ ان کی نشاندہی کرنا مشکل ہے اور یہ افراد سائفٹ ٹارگیٹ پر حملہ کرتے ہے۔انہوں نے کہا کہ سکیورٹی فورسز نے اس حوالے سے کام کرکے پراپر پلان بنایا ہے جس سے اس پر قابو کیا جاسکتا ہے۔
