امت نیوز ڈیسک //
ترواننت پورم ۔19؍ دسمبر ۔ ایم این این۔ پاکستان کی حکمراں جماعت کی لیڈر نے ہندوستان کو جوہری جنگ کی دھمکی دینے کے بعد، مرکزی وزیر مملکت مرلی دھرن نے اتوار کو پڑوسی ملک کو خبردار کرتے ہوئے کہا کہ ایسی تمام دھمکیوں سے نپٹنے کیلئے بھارت کے پاس بھرپور صلاحیت ہے۔ ہندوستان کے پاس ان تمام خطرات سے نمٹنے کی صلاحیت ہے۔ ہندوستان کوئی ایسی قوم نہیں ہے جو کسی کی دھمکیوں سے پیچھے ہٹ جائے۔ ہندوستان ان تمام خطرات سے نمٹنے کی صلاحیت رکھتا ہے۔ اس میں کسی کو کوئی شک نہیں ہونا چاہئے۔ غور طلب ہے کہ پاکستان پیپلز پارٹی کی رہنما شازیہ مری نے یہ دھمکی 17 دسمبر کو ملک کے وزیر خارجہ بلاول بھٹو زرداری کے وزیر اعظم نریندر مودی کے خلاف ‘ غیر مہذب’ ریمارکس کے دفاع کے لیے بلائی گئی ایک نیوز کانفرنس میں دی۔انہوں نے کہا، "بھارت کو یہ نہیں بھولنا چاہیے کہ پاکستان کے پاس ایٹم بم ہے۔ ہماری جوہری حیثیت خاموش رہنے کے لیے نہیں ہے۔ ضرورت پڑنے پر ہم پیچھے نہیں ہٹیں گے۔ پاکستانی رہنما نے بھارت کو دھمکی دیتے ہوئے کہا کہ مودی سرکار نے جنگ کی تو جواب ملے گا۔ اگر آپ بار بار پاکستان پر الزامات لگاتے رہیں تو پاکستان خاموشی سے سنتا نہیں رہ سکتا، ایسا نہیں ہوگا۔ شازیہ مری کو جواب دینے کے بعد، ایم او ایس مرلی دھرن نے بھی پی ایم مودی کے خلاف بلاول کےتبصرے کا مناسب جواب دیا۔ انہوں نے کہا بلاول بھٹو کا تبصرہ ان کے ملک کی ثقافت کی عکاسی کرتا ہے۔ پاکستانی وزیر خارجہ نے اپنے ملک کی توہین کی ہے۔ ہندوستان اور پاکستان پڑوسی ہیں، ہم چاہتے ہیں کہ تمام پڑوسی تہذیب یافتہ ہوں۔ بدقسمتی سے، ایسے لوگ پاکستان پر حکومت کر رہے ہیں۔ یہ کسی پاکستانی رہنما کی طرف سے اب تک کا سب سے افسوسناک اور قابل مذمت تبصرہ ہے۔” شازیہ کا یہ بیان ایک ایسے وقت میں سامنے آیا ہے جب پاکستان کے وزیر خارجہ کو بھارت میں پی ایم مودی پر ذاتی حملہ کرنے پر تنقید کا نشانہ بنایا جا رہا ہے۔ ہفتہ کے روز، وزارت خارجہ کے ترجمان ارندم باغچی نے کہا، "یہ تبصرے ایک نئی تنگ سوچ ہے۔
