امت نیوز ڈیسک //
وسطی کشمیر کے بڈگام ضلع میں سوموار کی صبح ٹریکٹر الٹنے سے ایک مزدور کی موقع پر ہی موت ہو گئی۔یہ واقعہ سب ڈویڑن کھاگ کے مال پورہ گاؤں میں پیش آیا۔پولیس ذرائع نے مقتول کی شناخت نرسنگ پورہ کھاگ کے رہنے والے اشفاق احمد غازی کے طور پر کی ہے۔
ذرائع نے مزید بتایا کہ ٹریکٹر ڈرائیور کو بھی چوٹیں آئیں اور اسے علاج کے لیے ایس ایم ایچ ایس اسپتال سری نگر منتقل کیا گیا۔پولیس نے متعلقہ قانون کے تحت مقدمہ درج کر لیا ہے۔
