امت نیوز ڈیسک //
بارہمولہ: شمالی کشمیر کے بارہمولہ ضلع کے رفیع آباد علاقے میں بدھ کی دوپہر ایک سڑک حادثے میں ایک نوعمر لڑکی کی موت ہو گئی جبکہ 10 دیگر زخمی ہو گئے۔
ایک اہلکار نے بتایا کہ رفیع آباد میں بارہمولہ-ہندواڑہ ہائی وے پر تین گاڑیوں کے درمیان تصادم ہوا، جس کے نتیجے میں ایک نوعمر لڑکی جاں بحق اور 10 زخمی ہو گئے۔
انہوں نے بتایا کہ زخمیوں کو علاج کے لیے ضلع اسپتال بارہمولہ منتقل کیا گیا ہے۔
ادھر پولیس نے اس سلسلے میں ایک کیس درج کر کے مزید تفتیش شروع کر دی ہے۔ (کے این او)
