امت نیوز ڈیسک //
سری نگر: راجوری ضلع کے ڈانگری علاقے میں پیر کے روز دیسی ساختہ بم دھماکے میں زخمی ہونے والی چھ افراد میں سے ایک نابالغ لڑکی نے زخموں کی تاب نہ لاتے ہوئے دم توڑ دیا۔ میڈیکل سپرنٹنڈنٹ جی ایم سی راجوری ڈاکٹر محمود کے حوالے سے خبر رساں ایجنسی کے این او نے اطلاع دی کہ آج صبح ہونے والے دھماکے میں زخمی ہونے والی نابالغ لڑکی علاج کے دوران زخموں کی تاب نہ لاتے ہوئے چل بسی۔
کمسن بچی کی ہلاکت کے بعد دھماکے میں ہلاک ہونے والوں کی تعداد 2 ہو گئی ہے۔ قبل ازیں ایک اہلکار نے بتایا کہ راجوری میں گزشتہ شام فائرنگ کے ایک واقعے میں ہلاک ہونے والے شہریوں میں سے ایک کے گھر میں ایک آئی ای ڈی دھماکہ ہوا جب لوگ تعزیت کے لیے جمع تھے۔ حکام نے بتایا کہ "دھماکے کے دوران، تقریباً 7 سال کی عمر کا ایک بچہ موقع پر ہی ہلاک ہو گیا جب کہ اس واقعے میں چھ دیگر زخمی ہو گئے،” حکام نے بتایا۔
انہوں نے بتایا کہ زخمیوں کو علاج کے لیے جی ایم سی راجوری لے جایا گیا ہے۔( جی این ایس)
