امت نیوز ڈیسک //
سٹیٹ انوسٹی گیشن ایجنسی (ایس آئی اے) نے جنوبی کشمیر
میں جماعت اسلامی کی متعدد جائیدادیں ضبط کر لیں ہیں۔ تفصیلات کے مطابق، ڈپٹی ایس پی محمد اشرف کی سر براہی میں ایس آئی اے کی ٹیم انت ناگ کے گاؤ سر ہامہ پہنچی اور وہاں واقع 07 مرلہ زمین خسرہ نمبر 1412 ، دو منزلہ پرانے مکان کو منسلک کیا جسے جماعت اسلامی تنظیم نے خریدا تھا۔ مذکورہ مکان میں غلام محی الدین گنائی ولد محمد رمضان سکتے سرہامہ بطور کرایہ دار رہائش پذیر ہے۔ اسی دوران، آئی این ایس پی سجاد احمد کی سر براہی میں ایس آئی اے کی ٹیم اقرار پبلک سکول دیدی سری گنوارہ پہنچی اور گاوں ودی میں واقع 02 کنال اور 07 مرلہ اراضی خسرہ نمبر 238، جو کہ جماعت اسلامی نے ایم ایس ٹی ختی زوجہ عبدالرشید میر اور ایم ایس ٹی نسیمہ دختر عبدالرشید میر سکنه بر کپورہ سے خریدی تھی، کو بھی ضبط کر لیا۔ بعد ازاں ، ڈی ایس پی میر مرتضی کی سربراہی میں ایس آئی اے کی ٹیم نے اروائی بجبہاڑہ میں واقع در سگاه اسلامی اروائی کے نام پر درج جماعت اسلامی کی 56 کنال اراضی ضبط کی۔ یہ جائیدادیں پولیس تھانہ بٹہ مالو سرینگر میں پی یو ایل اے ایکٹ کی دفعہ 10،11 اور 13 کے تحت درج ایف آئی آر زیر نمبر 17/2019 کے تحقیقات کے دوران ضبط کی گئی ہیں۔
