امت نیوز ڈیسک //
سری نگر: جموں وکشمیر کے لیفٹیننٹ گورنر منوج سنہا نے کپوارہ کے مژھل سیکٹر میں کھائی میں گر کر جاں بحق ہونے والے فوجی جوانوں کو خراج عقیدت پیش کیا۔ انہوں نے غمزدہ خاندانوں سے تعزیت کا اظہار کیا۔
فوجی ذرائع کے مطابق یہ واقعہ مژھل میں اس وقت پیش آیا جب یہ تینوں فوجی جوان برف سے ڈھکے ایک ٹریک سے گذر رہے تھے۔ واقعے کے متعلق جانکاری فراہم کرتے ہوئے چنار کور نے اپنے ایک ٹویٹ میں کہا، ‘یہ واقعہ مژھل سیکٹر میں پیش آیا۔’یاد رہے کہ سرحدی ضلع کپوارہ کے مژھل سیکٹر میں ایک افسر سمیت تین فوجی اہلکار پھسل کر ایک گہری کھائی میں گرجانے سے جاں بحق ہوگئے۔ لیفٹیننٹ گورنر منوج سنہا نے جاں بحق ہونے والے فوجی جوانوں کو خراج عقیدت پیش کرتے ہوئے اپنے ایک ٹویٹ میں کہا، ‘کپوارہ کے مژھل سیکٹر میں اپنی ڈیوٹی انجام دینے کے دوران از جان ہونے والے بہادر فوجی جوانوں کے حوصلے کو سلام کرتا ہوں۔’انہوں نے کہا، ‘ان شہیدوں کے خاندانوں کو تعزیت پیش کرتا ہوں۔’ ٹویٹ میں مزید کہا کہ ‘قوم کے تئیں ان کی قربانی اور بے لوث خدمت کو ہمیشہ یاد رکھا جائے گا۔'( یو این آئی)
