امت نیوز ڈیسک //
جموں وکشمیر کی گرمائی راجدھانی سری نگر میں عام آدمی پارٹی نے انسداد تجاوزات مہم کے خلاف دھرنا دیا جبکہ نائب صدر انجینئر یتو نے بھوک ہڑتال شروع کی ۔
اطلاعات کے مطابق سری نگر میں عام آدمی پارٹی کی جانب سے انسداد تجاوزات مہم کے خلاف دھرنا دوسرے روز بھی جاری رہا۔
پارٹی کے نائب صدر نذیر احمد یتو جمعرات سے ہی بھوک ہڑتال پر بیٹھے ہوئے ہیں۔
نذیر یتو نے نامہ نگاروں سے بات چیت کے دوران بتایا کہ انسداد تجاوزات مہم کے دوران عام لوگوں کو تنگ طلب کیا جارہا ہے۔
انہوں نے کہاکہ حکومت کی جانب سے دعوئے کئے جارہے ہیں کہ غریبوں کے ساتھ چھیڑ چھاڑ نہیں کی جائے گی لیکن بلڈوزر غریبوں کے مکانوں پر ہی چلائے جا رہے ہیں۔
نائب صدر نذیر یتو نے بتایا کہ جب تک حکومت کی جانب سے انسداد تجاوزات مہم کو روکنے کے حوالے سے حکم نامہ سامنے نہیں آتا تب تک وہ بھوک ہڑتال پر بیٹھے رہیں گے ۔
انہوں نے مزید بتایا کہ مارچ کے مہینے میں سالانہ امتحانات شروع ہو رہے ہیں لیکن حکومت کی جانب سے شروع کی گئی مہم کے اثرات طلاب پر بھی مرتب ہو رہے ہیں جس وجہ سے اُن کی تعلیم پر اثر پڑرہا ہے۔
اُن کے مطابق ہم انسداد تجاوزات مہم کے خلاف نہیں بلکہ کارروائی اُن کے خلاف ہونی چاہئے جنہوں نے سینکڑوں کنال سرکاری اراضی پر قبضہ کیا ہے۔
