امت نیوز ڈیسک //
وسطی کشمیر کے ضلع گاندربل کے سونہ مرگ علاقے میں دوران شب مٹی کے تودے کی زد میں آکر کئی رہائشی مکانات کے ساتھ ساتھ گاؤ خانوں کو نقصان پہنچا ہے۔
جموں و کشمیر پریس سروس کے موصولہ تفصیلات کے مطابق مسلسل بارشوں کی وجہ سے سونہ موگ کے ریزان علاقے میں ایک مٹی کا تودا گر آیا جس کی زد میں آکر تقریباً 10 رہائشی مکانات اور 4 گاؤ خانہ کو نقصان پہنچا ہے، تاہم جانی نقصان کی کوئی اطلاع موصول نہیں ہوئی۔
حکام کا کہنا ہے کہ واقعے کے فوراً بعد ریسکیو آپریشن شروع کرکے متاثرین کو محفوظ مقامات پر منتقل کیا گیا ہے۔
