امت نیوز ڈیسک //
جموں وکشمیر پولیس نے بدھ کے روز ضلع بارہمولہ کے پٹن میرگنڈ علاقے میں ایک چوری کا معاملہ حل کرکے 2 افراد کی گرفتاری ایک گاڑی ضبط کرکے لاکھوں روپے مالیت کی جائیداد برآمد کی ہے۔
پولیس ذرائع کے مطابق پولیس پوسٹ میرگنڈ کو اے ٹو زیڈ سروس کے پروجیکٹ منیجر نامی ہرجیت سنگھ کی طرف سے شکایت موصول ہوئی تھی جس میں کہا گیا تھا کہ 13 اور 14 مارچ کی درمیانی رات کو چوروں نے ان کے سٹور روم کا تالہ توڑ کر ہائی ٹینشن ٹرانسمیشن لائن اور ریڈ میٹریل 33000 KV چوری کر لیا۔
جبکہ معاملے کی نسبت پولیس تھانہ پٹن میں قانون کی متعلقہ دفعات کے تحت مقدمہ درج کر کے تفتیش شروع کر دی گئی جبکہ تفتیش کے دوران دو افراد کی گرفتاری عمل میں لاکر چوری میں استعمال ہونے والی ایک گاڈی کو بھی ضبط کیا ہے، جبکہ پولیس کا کہنا ہے کہ گرفتار افراد سے لاکھوں روپے مالیت کا ساز و سامان بھی برآمد کر لیا گیا ہے۔
