امت نیوز ڈیسک //
ضلع گاندربل کے مشہور سیاحتی مقام سونمرگ میں ہفتے کے روز ایک 14 سالہ بچہ نالہ میں ڈوب کر لقمہ اجل بن گیا۔
اطلاعات کے مطابق پبلک اسکول بارہمولہ کے طلباء و طالبات سونہ مرگ میں سیر و تفریح کیلئے آئے تھے، تاہم اس دوران ایک طالب علم نامی 14 سالہ شعیب فاروق چاچی ولد فاروق احمد چیچی ساکن چندوسہ بارہمولہ ایک نالہ میں نہانے کے دوران ڈوب گیا، جس کے بعد اساتذہ و دیگر لوگوں نے بچے کو نالہ سے نکال کر پی ایچ سی سونہ مرگ منتقل کیا جہاں پر ڈاکٹروں نے اسے مردہ قرار دیا۔
ادھر پولیس نے واقعے کی تصدیق کرتے ہوئے بتایا کہ معاملے کی نسبت تحقیقات شروع کر دی گئی ہے۔
