امت نیوز ڈیسک //
ڈومنیکا: ہندوستانی کرکٹ ٹیم کی نئی ٹسٹ جرسی کافی رنگین ہے۔ اڈیڈاس میں پہلے سے ہی نیلی پٹی تھی اور اب جرسی پر ڈریم الیون کا سرخ لوگو بھی بہت زیاد نظر آرہا ہے۔
ہندوستان اور ویسٹ انڈیز کے درمیان 2 ٹسٹ میاچس کی سیریز کا پہلا میاچ کل سے شروع ہوگا اور اس سے قبل ہندوستانی کرکٹ بورڈ کے ہڈ شاٹ شوٹ کے دوران ٹسٹ ٹیم کی نئی جرسی کا انکشاف ہوا تھا۔ شائقین اس ٹسٹ جرسی کو دیکھ کر کچھ خاص خوش نہیں ہیں۔
آئی سی سی ورلڈ ٹسٹ چمپئن شپ 2021-23 کے فائنل میں ہندوستانی ٹیم کی جرسی پر انڈیا لکھا ہوا تھا جسے شائقین کی جانب سے بیحد پسند کیاگیا تھا۔ اب شائقین ہندوستان کے بجائے ڈریم 11 دیکھ کر بی سی سی آئی سے ناراض ہیں۔
ہیڈ شاٹ شوٹ میں روہت شرما۔ ویراٹ کوہلی اور اجنکیا رہانے کی تصاویر سامنے آئی ہیں۔ اس سیریز کے ساتھ ہی ٹیم انڈیا آئی سی سی ورلڈ ٹسٹ چمپئن شپ 2023-25 میں ا پنے سفر کا آغاز کرے گی۔ ایک مداح نے لکھاکہ ایسا لگتاہے کہ ویسٹ انڈیز کے خلاف ہندوستانی ٹیم نہیں بلکہ ڈریم 11 کی ٹیم کھیلے گی۔
