امت نیوز ڈیسک //
سرینگر: فائر اینڈ ایمرجنسی کی اسامیوں کے امیدواروں نے جمعرات کے روز ایک بار پھر سرینگر کی پریس کالونی میں جمع ہو کر احتجاج درج کیا۔احتجاجی اپنے مطالبات کے حق میں جم کر نعرہ بازی کر رہے تھے جس دوران کچھ احتجاجیوں کو پولیس نے حراست میں بھی لیا ہے۔
اس موقع پر ایک احتجاجی نے میڈیا کے ساتھ بات کرتے ہوئے کہا کہ ہم پچھلے تین برسوں سے کبھی یہاں تو کبھی جموں میں احتجاج کر رہے ہیں لیکن انتظامیہ نے اپنی آنکھوں پر پٹی باندھ رکھی ہے۔انہوں نے کہا کہ ‘لیفٹیننٹ گورنر صاحب نے دسمبر 2022 میں ایک کمیٹی تشکیل دی تھی تاکہ سلیکشن لسٹ میں ہوئی دھاندلیوں کو دیکھا جا سکے’۔ان کا کہنا تھاکہ ‘اس کمیٹی کو 12 جنوری 2023 کو اپنی رپورٹ پیش کرنی تھی لیکن 8 مہینے گزر جانے کے باجود بھی وہ رپورٹ اب تک پیش نہیں کی گئی’۔موصوف احتجاجی نے کہا کہ ہمارا مطالبہ ہے کہ اس رپورٹ کو پیش کیا جائے اور اس امتحان میں جو دھاندلیاں ہوئی ہے انہیں عوام کے سامنے لائے جائے۔
امیدوراوں نے امتحان میں ہوئے بدعنوانی اور سیلکشن لسٹ میں دھاندلیوں کا الزام عائد کرتے ہوے کہا کہ ہم نے کئی برسوں سے امتحان کے لئے دن رات محنت کی تھی جبکہ کچھ لوگوں نے مزکورہ محکمہ کے ضمیر فروش عناصر سے ساز باز کرکے اور پیسے دے کر سیلکٹ لسٹ کو ہی بدل دیا۔
