امت نیوز ڈیسک//
سرینگر /31اگست / سی این آئی// کشمیر وادی میں مائیگرنٹ پنڈت ملازمین کی حفاظت کیلئے مرکزی وزارت داخلہ اور جموں و کشمیر حکومت کی طرف سے ایک فول پروف سیکورٹی پلان مرتب کیا گیا ہے اور اسی زمینی سطح پر لاگو کرنے سے قبل جلد ہی مرکزی کابینہ کی منظوری ملنے کی امید ہے ۔ سیکورٹی کی فراہمی کا مقصد اس بات کو یقینی بنانا ہے کہ کشمیر وادی میں کسی بھی مائیگرنٹ پنڈت پر حملہ کو روک دیا جائے ۔ سی این آئی کے مطابق وادی کشمیر میں کشمیر تعینات کشمیری مائیگرنٹ پنڈت ملازمین کو مکمل طور پر تحفظ فراہم کرنے کیلئے مرکزی اور جموں کشمیر سرکار کی کوششیں جاری ہے اور اس سلسلے میں مکمل سیکورٹی پلان مرتب دیا گیا ہے اور اس کو جلد ہی زمینی سطح پر بھی لاگو کیا جائے گا ۔ ذرائع سے معلوم ہوا ہے کہ مائیگرنٹ پنڈت ملازمین کے تحفظ کیلئے مرکزی وزارت داخلہ اور جموں و کشمیر حکومت کی طرف سے ایک فول پروف سیکورٹی پلان مرتب کیا گیا ہے۔ تاہم زمینی سطح پر اس کو لاگو کرنے سے قبل جلد ہی مرکزی کابینہ کی منظوری ملنے کی امید ہے۔ذرائع نے بتایا کہ نئی اسکیم جس میں 250 کروڑ روپے کے مالیاتی اثرات شامل ہوں گے، مرکزی وزارت داخلہ اور جموں و کشمیر حکومت کے اعلیٰ ترین سطح پر بڑے پیمانے پر بات چیت کی گئی ہے۔ تجویز اب تقریباً منظور ہو چکی ہے اور جلد ہی کابینہ کی منظوری کیلئے بھیج دی جائے گی۔
