امت نیوز ڈیسک //
بارہمولہ //شمالی کشمیر کے بارہمولہ ضلع کے اوڑی ہتھلنگہ علاقے میں ہفتہ کو سیکورٹی فورسز اور جنگجوؤں کے درمیان جاری گولی باری میں ایک نامعلوم جنگجو مارا گیا ہے۔ سرکاری ذرائع نے نیوز ایجنسی کشمیر اسکرول کو بتایا کہ جاری تصادم میں ایک جنگجو مارا گیا ہے، تاہم مارے گئے جنگجو کی شناخت ابھی تک نہیں ہو سکی ہے۔
قبل ازیں ایک اہلکار نے کشمیر اسکرول کو بتایا کہ پولیس، فوج اور سی آر پی ایف کی ایک مشترکہ ٹیم نے علاقے میں عسکریت پسندوں کی موجودگی کے بارے میں مخصوص اطلاع پر محاصرہ اور تلاشی آپریشن شروع کیا۔ انہوں نے کہا کہ جیسے ہی فورسز کی مشترکہ ٹیم مشتبہ مقام کی طرف پہنچی تو چھپے ہوئے عسکریت پسندوں نے ان پر فائرنگ کی جس کا جوابی کارروائی کی گئی اور انکاؤنٹر شروع ہو گیا۔( کشمیر اسکرول)
