(مدینہ)عمومی صدارت حرمین الشریفین کے سربراہ شیخ عبدالرحمٰن السدیس نے اعلان کیا کہ مدینہ منورہ میں مسجدِ نبویﷺ میں فتویٰ پر سمپوزیم منعقد کرنے کے لیے شاہی منظوری دے دی گئی ہے۔فتویٰ اسلامی قانون کے ایک نکتے پر دیا گیا ایک قانونی حکم ہوتا ہے اور سمپوزیم میں حرمین الشریفین کے احکام اور مذہبی مقامات کے زائرین کو سہولت فراہم کرنے پر ان کے اثرات پر توجہ دی جائے گی۔السدیس نے کہا یہ سمپوزیم سعودی حکومت کی جانب سے حرمین الشریفین کی خدمت اور ان کا پیغام دنیا تک پہنچانے کی کوششوں کی توسیع ہے جو مملکت کے اعتدال پسند طرزِ عمل کے مطابق قرآن اور پیغمبرِ اسلام کی روایات پر مبنی ہے۔انہوں نے وضاحت کی کہ اس سمپوزیم کے انعقاد کی منظوری فتاویٰ کے اجراء اور ان کی ڈیجیٹلائزیشن کے طریقوں میں تبدیلی کی تعاوم کرتی ہے جو حرمین کے زائرین کی مذہبی ضروریات کے مطابق ہو اور ان کی عبادات کی ادائیگی میں مدد کرے۔السدیس نے مزید کہا کہ شاہ سلمان کی جانب سے سمپوزیم کے انعقاد کی منظوری فتاویٰ کے لیے مملکت کی تشویش کی عکاسی کرتی ہے جس کا براہِ راست اثر الحرمین الشریفین کے زائرین پر ہوا ہے۔
