امت نیوز ڈیسک //
سری نگر، 31 جنوری : وسطی کشمیر سری نگر ضلع کے جواہر نگر علاقے میں بدھ کی شام آگ لگنے کے واقعے میں ایک بزرگ شخص جھلس کر ہلاک ہوگیا۔
ایک اہلکار نے نیوز ایجنسی کشمیر اسکرول کو بتایا کہ جواہر نگر میں بشیر احمد پرنو ولد مرحوم محمد امین کے رہائشی مکان میں آگ بھڑک اٹھی۔
انہوں نے کہا کہ فائر اینڈ ایمرجنسی کی کوششوں سے پولیس اور مقامی لوگوں نے آگ پر قابو پالیا تاہم ملبہ ہٹاتے ہوئے گھر کے مالک کی جھلسی حالت میں لاش نکال لی گئی۔
انہوں نے کہا کہ لاش کو قانونی کارروائی کے لیے ہسپتال منتقل کر دیا گیا ہے جبکہ تفتیش شروع کر دی گئی ہے۔(کشمیر اسکرول)
