امت نیوز ڈیسک //
بارہمولہ: نیشنل کانفرنس کے نائب صدر اور بارہمولہ لوک سبھا امیدوار عمر عبداللہ نے لنگیٹ اور زچلڈارہ میں پارٹی کنونشن سے خطاب کرتے ہوئے کہا کہ پیپلز ڈیموکریٹک پارٹی کے امیدوار نے آرٹیکل 370 کو منسوخ کرنے میں حکمران پارٹی بی جے پی کی مدد کی۔ انہوں نے میرے حریف کو جھوٹ کے جھانسے دیکر ووٹ مانگ رہے ہیں۔
عمر عبداللہ نے کہا کہ بی جے پی یہاں نارمل ہونے کا دعویٰ کر رہی ہے لیکن انہیں پونچھ میں آئی اے ایف کے قافلے پر حالیہ حملے کا جواب دینا ہوگا۔ انہوں نے کہا کہ بطور وزیراعلیٰ میرے دور میں وہ علاقے جہاں 2019 کے بعد ٹارگیٹ کلنگ کے واقعات ہوئے ہیں وہ عسکریت پسندی سے پاک تھے۔
انہوں نے مزید کہا کہ میں معافی کیوں مانگوں، یہ سجاد لون ہیں جسے بی جے پی نے 2018 میں جموں و کشمیر کا وزیر اعلیٰ بنانے کی کوشش کی۔ واضح رہے کہ اس کنونشن میں چودھری محمد رمضان، ناصر اسلم وانی، قیصر جمشید لون، شفقت وٹالی، ڈی ڈی سی درگمولہ کے علاوہ کئی سینئر لیڈران موجود تھے۔
