امت نیوز ڈیسک //
سری نگر: جموں و کشمیر کے پونچھ اور راجوری کے جڑواں اضلاع کو جوڑنے والی اہم سڑک مغل روڈ پنارکے مقام پر تازہ مٹی کے تودے گرنے کی وجہ سے بند کردی گئی۔
ایک مقامی خبر رساں ایجنسی کے مطابق یہ سڑک جو جموں سری نگر قومی شاہراہ کے لیے ایک اہم متبادل راستے کے طور پر کام کرتی ہے، لینڈ سلائیڈنگ کی وجہ سے بند کر دی گئی ہے۔حکام نے ملبہ ہٹانے اور ٹریفک کی بحالی کے لیے کوششیں شروع کر دی ہیں۔
تاہم، موجودہ موسمی حالات اور لینڈ سلائیڈنگ کے پیمانے کو دیکھتے ہوئے، سڑک کو دوبارہ مکمل طور پر فعال ہونے میں کچھ وقت لگ سکتا ہے۔مسافروں کو مشورہ دیا گیا ہے کہ وہ صورتحال سے باخبر رہیں اور اس کے مطابق اپنے سفر کی منصوبہ بندی کریں۔
