امت نیوز ڈیسک //
سری نگر: عوامی اتحاد پارٹی کے سربراہ اور رکن پارلیمان انجیئنر رشد نے جمعہ کی صبح دربار مو کی روایت کی بحالی کے مطالبے کو لے کر یہاں سول سیکریٹریٹ کے باہر پر امن احتجاجی مظاہرہ کیا۔انہوں نے اس موقع پر میڈیا کے ساتھ بات کرتے ہوئے کہا:’جموں وکشمیر میں ہر سال دربار مو ہوا کرتا تھا موسم سرما میں ہمارا دارالخلافہ جموں جبکہ موسم گرما سری نگر ہوا کرتا تھا‘۔ان کا کہنا تھا: ’لیکن گذشتہ کچھ برسوں سے ہمارا دارلخلافہ جموں ہے نہ سری نگر ہے‘۔
انجینئر رشید نے کہا: ’ہم اس احتجاج کی وساطت سے عمر عبداللہ صاحب کو یاد دلانا چاہتے ہیں کہ انہوں نے وعدہ کیا تھا کہ سرکار بنتے ہی دربار مو کی روایت کا بحال کیا جائے گا‘۔انہوں نے کہا: ’ہمارا مطالبہ ہے کہ لوگوں کو بتایا جائے کہ ان کا دارلخلافہ کہاں ہے لوگ پریشان ہیں کہ ان کی فائیلیں جموں میں ہیں یا سری نگر میں ہیں‘۔ان کا کہنا تھا: ’یا تو دربار مو کی روایت کو بحال کیا جائے یا سری نگر کو جموں وکشمیر کا مستقل دارلخلافہ قرار دیا جائے بلکہ سب سے بہتر طریقہ یہی ہے کہ سری نگر کو ہی مستقل دارلخلافہ بنایا جائے‘۔انہوں نے کہا: ’عمر عبداللہ صاحب کا طریقہ غلط ہے وہ وعدے کرتے ہیں لیکن بعد میں پلٹ جاتے ہیں‘۔
