امت نیوز ڈیسک //
جموں، 16 مئی : راجوری ضلع کے راتھر کوٹرنکا دراج میں جمعہ کو ایک 23 سالہ نوجوان کی لاش برآمد ہوئی۔
عہدیداروں نے جی این ایس کو بتایا کہ آج صبح کچھ راہگیروں کو راتھر کوٹرنکا دراج علاقہ میں ایک لاش پڑی ہوئی ملی۔ متوفی کی شناخت زعیم شاہ (23) ولد اعظم شاہ ساکن دراج کے طور پر ہوئی ہے۔
مقتول کی لاش کو قانونی کارروائی کے لیے اسپتال بھیج دیا گیا۔
دریں اثنا، پولیس نے اس سلسلے میں ایک کیس درج کر لیا ہے اور تحقیقات شروع کر دی گئی ہے۔(جی این ایس )
