امت نیوز ڈیسک //
جموں، 9 نومبر: جموں و کشمیر کے ضلع کٹھوعہ میں دو اسپیشل پولیس افسران (ایس پی اوز) کو ملی ٹینٹوں سے مبینہ روابط کے الزام میں ملازمت سے برطرف کر دیا گیا ہے، سرکاری ذرائع نے اتوار کو بتایا۔
ذرائع کے مطابق برطرف کیے گئے ایس پی اوز کی شناخت عبداللطیف اور محمد عباس کے طور پر ہوئی ہے، جنہیں پہلے ہی ملی ٹینسی سے متعلق سرگرمیوں میں ملوث ہونے کے الزام میں گرفتار کیا گیا تھا۔
ذرائع نے مزید بتایا کہ سینئر سپرنٹنڈنٹ آف پولیس (ایس ایس پی) کٹھوعہ، محیتا شرما نے دونوں اہلکاروں کو فوری طور پر سروس سے برخاست کرنے کے احکامات جاری کیے۔
دونوں پولیس اہلکاروں پر ملی ٹینٹوں کو تعاون فراہم کرنے کا الزام ہے۔ (ایجنسیاں)
