امت نیوز ڈیسک //
جموں و کشمیر اسمبلی کے اسپیکر عبد الرحیم راتھر جمعہ کی صبح دو نئے منتخب اراکین اسمبلی کو حلف دلائیں گے۔ ذرائع کے مطابق حلف برداری کی یہ تقریب صبح 11 بجے اسمبلی کمپلیکس میں منعقد ہوگی۔
ذرائع نے کشمیر نیوز آبزرور کو بتایا کہ پیپلز ڈیموکریٹک پارٹی کے منتخب رکن منتظر مہدی، جنہوں نے بڈگام اسمبلی حلقہ سے کامیابی حاصل کی ہے، اور بھارتیہ جنتا پارٹی کی دیویانی رانا، جو نگروٹہ حلقہ سے منتخب ہوئی ہیں، حلف اٹھائیں گے۔
واضح رہے کہ نگروٹہ نشست پہلے دو بار دیویانی رانا کے والد، مرحوم دیویندر سنگھ رانا کے پاس رہی تھی۔
ان دو نشستوں کے پُر ہونے کے بعد جموں و کشمیر قانون ساز اسمبلی کی مجموعی تعداد 90 ہو گئی ہے۔
