(سری نگر) سری نگر کے بہوری کدل علاقے میں مشتبہ ملی ٹینٹوں نے سیلز مین پر نزدیک سے گولیاں چلائیں جس کے نتیجے میں وہ شدید طورپر زخمی ہوا اور اسپتال پہنچاتے پہنچاتے اُس کی موت واقع ہوئی۔ ابتدائی اطلاعات کے مطابق مہلوک سہلزمین کی شناخت محمد ابراہیم خان ولد غلام محمد خان ساکن آشٹنگو بانڈی پورہ کے طور پر ہوئی ہے۔ جو سندیپ ماؤا کی دکان پر کام کررہا تھا۔ اس واقعے میں وہ گولی لگنے سے شدید طورپر زخمی ہوا اور اس سے علاج ومعالجہ کی خاطر ایس ایم ایچ ایس اسپتال منتقل کیا گیا جہاں وہ زخموں کی تاب نہ لا کر دم توڑ بیٹھا۔
