امت نیوز ڈیسک //
کیرالہ کے گور نر عارف محمد خان نے ہفتہ کو کہا کہ بھارت پہلے ہی 1947 میں مذہبی خطوط پر تقسیم کا سامنا کر چکا ہے اور کشمیر کو آئینی خصوصی حیثیت کی ضرورت نہیں ہے ، یہ پہلے ہی ہر
پہلو سے سے خاص ہے۔ خبر رساں ایجنسی ۔ کشمیر نیوز آبزرور (کے این او) کے مطابق ایس کے آئی سی سی میں ایک تقریب کے موقع پر صحافیوں سے بات چیت کرتے ہوئے کیرالہ کے گورنر عارف محمد خان نے کہا کہ یہ وقت لوگوں کو مذہبی بنیادوں پر تقسیم کرنے کا نہیں ہے کیونکہ دنیا گلوبل ویلج بنتی جارہی ہے جہاں سے تعلق رکھنے والے لوگ بلا تفریق مذاہب ایک ساتھ رہتے ہیں۔ انہوں نے کہا کہ بھارتیوں کو مذہبی خطوط پر تقسیم کے متعلق فکر مند رہنا چاہئے کیونکہ 1947 میں اس کی وجہ سے ملک پہلے ہی تقسیم کاسامنا کر چکا ہے۔ انہوں نے یہ بھی کہا کہ قانون کے مطابق کشمیر کو خصوصی درجہ دینا لازمی نہیں ہے کیونکہ وادی کو پہلے ہی ہر لحاظ سے خصوصی حیثیت حاصل ہے۔
