امت نیوز ڈیسک //
وادی کشمیر کا بیرون دنیا سے زمینی رابطہ دو دن سے منقطع ہے جبکہ سرینگر بین الاقوامی ہوائی اڈے سے پروازوں کا سلسلہ منگل کے روز بحال کردیا گیا ہے
جموں و کشمیر پریس سروس کے مطابق پیر پنچال کے آر پار تازہ برفباری سے گزشتہ روز سرینگر کے بین الاقوامی اڈے پر کوئی بھی پرواز اڑان نہ بھر سکی جبکہ بانہال سے بارہمولہ کے درمیان چلنے والی ریل خدمات میں منسوخ کر دی گئی تھی۔
ایک دن کے بعد موسم میں بہتری آنے کے ساتھ ہی سرینگر کے بین الاقوامی ہوائی اڈے سے پروازوں کا سلسلہ دوبارا شروع ہوا ہے جبکہ بڈگام سے سڈورا (اننت ناگ) تک ریک خدمات بھی بحال کردی گئی ہے۔
محکمہ ریلوئے کے ایک سنیئر افسر نے بتایا کہ بھاری برفباری کے باعث مختلف مقامات پر ریلوئے ٹریک پر بھاری برف جمع ہوئی ہے اور ٹریک صاف کرنے کا کام شدومد سے جاری ہے
تازہ برفباری کے بعد سرینگر جموں شاہراہ پر بانہال اور پانتھال کے بیچ بھاری پسیاں گر آنے کی وجہ سے سرینگر جموں شاہراہ پر ٹریفک کی نقل و حمل گزشتہ روز سے ہی روک دی گئی تھی، ٹریفک حکام کا کہنا ہے کہ شاہراہ پر ٹریفک کی بحالی کے لئے مرمت کا کام جاری ہے، تاہم لوگ شاہراہ پر سفر کرنے سے گریز کریں اور سفر کرنے سے پہلے ٹریفک حکام سے تازہ معلومات حاصل کریں۔ (جموں وکشمیر پریس سروس
