سری نگر // نیشنل انویسٹی گیشن ایجنسی (این آئی اے) نے جمعرات کوسرینگر کے نوہٹہ علاقے میں العمر چیف مشتاق زرگر عرف الترام ” کے رہائشی گھر کو ضبط کر لیا۔
این آئی اے کی کارروائی اس وقت ہوئی جب بھارتی وزارت داخلہ نے پاکستان میں مقیم زرگر کو، یواے پی اے کے تحت نامزد "دہشت گرد”قرار دیا ہے۔اطلاعات کے مطابق، مقامی پولیس اور سی آر پی ایف کی مدد سے این آئی اے کی ایک ٹیم نے آج صبح سری نگر کے نوہٹہ علاقے میں واقع لا ترم کی جائیدادکو ضبط کیا۔
این آئی اے کے ترجمان کے مطابق، زرگر کا گنائی محلہ، جامع مسجد ، نوہٹہسری نگر میں دو مرلہ مکان (خسرہ نمبر 182) کو یواے پی اے کی دفعات کے تحت قرق کیا گیا ہے۔زرگر کو 15 مئی 1992 کو گر فتار کیا گیا تھا اور بعد میں 1999 میں جیش کے سربراہ مسعود اظہر اور شیخ عمر کے ساتھ رہا کیا گیا تھا۔ ان کا تبادلہ 1999 میں ہائی جیک ہونے والے انڈین ایئر لائنز کے طیارے-IC 814 کے مسافروں کے لیے کیا گیا تھا۔
نیال کے کھٹمنڈو کے تری جون بین الاقوامی ہوائی اڈے سے دہلی کے اندرا کے گاندھی بین الاقوامی ہوائی اڈے جاتے ہوئے اسے ہائی جیک کر کے قندھارلے جایا گیا۔
