امت نیوز ڈیسک//
اننت ناگ 08 جون، : جنوبی کشمیر کے ضلع اننت ناگ کی تحصیل کوکرناگ کے وانڈےوالگام علاقے میں جمعرات کو ایک شخص نے پھانسی لگا کر خودکشی کر لی۔
خبر رساں ایجنسی کے مطابق متوفی کی شناخت خورشید احمد میر ولد مرحوم نبی میر کے طور پر کی گئی ہے جو تحصیل کوکرناگ کے علاقے وانڈے والگام کا ساکن ہے۔
واقعے کے بعد میر کو فوری طور پر سب ڈسٹرکٹ اسپتال کوکرناگ ریفر کیا گیا جہاں پہنچنے پر ڈاکٹروں نے اسے مردہ قرار دے دیا۔
اطلاعات کے مطابق متوفی گزشتہ کئی سالوں سے ڈپریشن میں تھا اور ذہنی مسائل کا سامنا تھا۔
