امت نیوز ڈیسک//
رام بن، 19 مئی: ضلع رامبن کے سنگلدان علاقے میں منگل کے روز ایک مسافر بس حادثے کا شکار ہو گئی، جس کے نتیجے میں ایک مسافر جاں بحق جبکہ تقریباً 16 افراد زخمی ہو گئے۔
رپورٹس کے مطابق رجسٹریشن نمبر JK02CU-7482 والی بس سب ڈویژن گول کے دھرم علاقے سے جموں جا رہی تھی کہ سنگلدان کے قریب ڈرائیور گاڑی پر قابو کھو بیٹھا، جس کے باعث بس سڑک کنارے الٹ گئی۔
پولیس حکام کے مطابق حادثے کی اطلاع ملتے ہی مقامی لوگ، پولیس اور ٹریفک پولیس اہلکار موقع پر پہنچ گئے اور فوری طور پر بچاؤ کارروائیاں شروع کیں۔ زخمیوں کو علاج و معالجہ کے لیے نزدیکی طبی مرکز منتقل کیا گیا۔
حکام نے بتایا کہ حادثے میں ایک مسافر کی موت واقع ہوئی ہے جبکہ بعض زخمیوں کی حالت تشویشناک بتائی جا رہی ہے۔
