(نئی دہلی) وادی کشمیر میں حالیہ ہلاکتوں اور امرناتھ یاترا کے پیش نظر مرکز نے جموں و کشمیر میں 15000اضافی فورسز اہلکاروں کی تعیناتی کو ہری جھنڈی دی ہے۔ تفصیلات کے مطابق حالیہ ہلاکتوں اور 30جون سے شروع ہونے والی امرناتھ یاترا کے سلسلے میں جموں و کشمیر میں مزید فورسز اہلکارو ں کی تعیناتی متوقع ہے۔ بتایا جاتا ہے کہ 15ہزار فورسز اہلکاروں کو جموں وکشمیر روانہ کیا جا رہا ہے اور اس سلسلے میں وزارت داخلہ نے تمام تیاریوں کو حمتی شکل دی ہیے۔ فورسز کی اضافی تعیناتی امرناتھ یاترا کی حفاظت کیلئے بھی تعینات رہیں گے جبکہ یاترا کے اختتام کے بعد ممکنہ طور پر ان کو واپس اپنے مقامات پر روانہ کیا جائے گا۔
