راجوری//راجوری اور پونچھ سمیت سرحدی علاقوں میں ڈرون کے خطرے کو ہر جگہ ایک عام خطرہ قرار دیتے ہوئے، بارڈر سیکورٹی فورس نے کہا کہ فورسز دشمنوں کی کسی بھی کوشش کو ناکام بنانے کے لیے سرحدوں پر اپنے کام کو انجام دے رہی ہیں۔
ڈی آئی جی بی ایس ایف راجوری پونچھ سیکٹرڈی ایس سندھو نے سیکٹر ہیڈ کوارٹر راجوری میں ہنر مندی کے فروغ کے پروگرام کے آغاز کے موقع پر میڈیا سے بات کرتے ہوئے ان باتوں کا اظہار کیا۔
اپنے بیان میں ڈی آئی جی ڈی ایس سندھو نے کہا کہ سرحدوں پر ہر جگہ ڈرون کا خطرہ ہے اور اسی طرح راجوری اور پونچھ میں بھی یہ خطرہ برقرار ہے۔
افسر نے مزید کہا،”فوج اور بی ایس ایف ہمارے دشمنوں کے کسی بھی ناپاک منصوبے کو ناکام بنانے کے لیے لائن آف کنٹرول پر مناسب طریقے سے غلبہ حاصل کر رہے ہیں”۔
انہوں نے مزید کہا کہ بی ایس ایف کا ہر جوان کسی بھی صورتحال سے نمٹنے کے لیے تیار رہتا ہے اور جوانوں کے لیے ان کی صلاحیتوں کو بڑھانے کے لیے باقاعدہ ایڈوانس کورسز کا انعقاد کیا جاتا ہے.
