امت نیوز ڈیسک // جنوبی کشمیر کے ضلع پلوامہ کے دربگام علاقے میں سکیورٹی فورسز اور عسکریت پسندوں کے درمیان ہوئے تصادم میں تین عسکریت پسند ہلاک ہو گئے ہیں۔ آئی جی پی کشمیر کے مطابق ہلاک ہونے والے تینوں عسکریت پسند مقامی ہیں جن کا تعلق لشکر طیبہ سے ہے۔
آئی جی پی کشمیر کے مطابق ہلاک ہونے والے عسکریت پسندوں میں سے ایک کی شناخت جنید شیرگوجری کے نام سے ہوئی ہے جو کہ 13 مئی 2022 کو پولیس اہلکار ریاض احمد کے قتل میں ملوث تھا۔ دیگر دو ہلاک شدہ عسکریت پسندوں کی شانخت ضلع پلوامہ کے فاضل نذیر بھٹ اور عرفان آہ ملک کے طور پر ہوئی ہے۔ پلوامہ تصادم میں لشکر طیبہ کے تین عسکریت پسند ہلاکپلوامہ تصادم میں لشکر طیبہ کے تین عسکریت پسند ہلاکآئی جی پی کشمیر وجے کمار نے بتایا کہ ‘وہیں ان کے قبضے سے اسلحہ اور گولہ بارود سمیت 02 اے کے 47 رائفلز اور 01 پستول برآمد ہوا ہے۔ ذرائع کے مطابق سکیورٹی فورسز کو علاقے میں عسکریت پسندوں کی خفیہ اطلاع موصول ہوئی تھی، جس کے بعد پولیس فوج اور سی آر پی ایف نے مشترکہ طور پر کارروائی شروع کی۔ سکیورٹی فورسز کے عسکریت پسندوں کے قریب پہنچنے پر سرچ آپریشن انکاؤنٹر میں تبدیل ہوگیا۔
واضح رہے کہ گزشتہ روز ضلع کولگام کےکھنڈی پورہ علاقے میں ہوئے تصادم میں حزب المجاہدین کا ایک عسکریت پسند ہلاک ہوا تھا.
