سری نگر// بالتل بیس کیمپ میں بادل پھٹنے کی وجہ سے تین دن تک معطل رہنے کے بعد پیر کو امرناتھ یاترا دوبارہ شروع ہوئی۔ یاد رہے کہ بادل پھٹنے کے واقع میں 15 یاتری ہلاک اور متعدد زخمی ہوگئے ہیں۔
خبر رساں ایجنسی نے ایک اہلکار کے حوالے سے بتایا کہ یاتریوں کا ایک جتھا آج صبح پہلگام کے ننوان بیس کیمپ سے پوتر گپھا کی طرف جانے کی اجازت دی گئی ہے۔
عہدیدار کے مطابق بارش کی وجہ سے تھوڑی تاخیر کے بعد یاترا صبح 8 بجے کے قریب دوبارہ شروع ہوئی۔
قابل ذکر بات یہ ہے کہ جمعہ کو بالتال بیس کیمپ میں بادل پھٹنے کے فوراً بعد یاترا کو معطل کر دیا گیا تھا، جس میں کم از کم 15 افراد کی موت ہو گئی تھی، جبکہ درجنوں زخمی ہوئے تھے اور تقریباً 37 افراد ابھی بھی لاپتہ ہیں.
