سرینگر: جموں و کشمیر پولیس کے ایک سینئر افسر نے ای ٹی وی بھارت کو بتایا کہ ’’سرینگر ہوائی اڈے کے گیٹ پر ایکس رہے اسکریننگ کے دوران راشٹریہ رائفلز کے ایک اہلکار بپن کمار کے سامان سے 7.62 ایم ایم کارتوس بر آمد ہوا۔ کمار سرینگر سے دہلی چھٹیوں پر پر جا رہے تھے۔‘‘ پولیس افسر نے مزید کہا کہ فوجی اہلکار، بپن کمار، کو بھی پوچھ تاج کے لیے ہمہامہ پولیس اسٹیشن منتقل کیا گیا ہے اور اس ضمن میں مزید تفتیش جاری ہے۔
آفیسر نے مزید بتایا کہ 7.62 ایم ایم (.30 کلیبر) کارتوس اسالٹ بندوق، جیسے اے کے 47، اور لائٹ مشین گنس میں استعمال ہوتی ہے۔ واضح رہے کہ جمعہ کی صبح آسام رائفلز کے ایک اور اہلکار وجے پال کو اِنساس بندوق کی دو گولیوں کے ساتھ حراست میں لیا گیا تھا۔
