(نئی دہلی) صدر رام ناتھ کووند نے بدھ کے روز دو جوڈیشل افسران کو ترقی دے کر ہائی کورٹ آف جموں و کشمیر اور لداخ میں بطور جج تقرری کو منظورِ دی ہے۔ صدر رام ناتھ کووند نے موہن لال اور محمد اکرم چودھری کو جموں و کشمیر اور لداخ ہائی کورٹ کا جج مقرر کیا ہے۔ قانون و انصاف کی وزارت کی جانب سے جاری کردہ حکم کے مطابق، موہن لال اور چودھری کی تقرری صدر جمہوریہ نے آئین ہند کی آرٹیکل 217 کی شق (1) کے تحت کی ہے۔ ان کی تقرری اس دن سے عمل میں آئے گی جس دن وہ عہدہ سنبھالیں گے۔
