(نئی دہلی) وزیر اعظم نریندر مودی جمعرات کو جموں کے دورے پر آرہے ہیں جہاں وہ راجوری میں فوجی اہلکاروں کے ساتھ دیوالی کا تہوار منائیں گئے۔ سرکاری ذرائع کے مطابق وزیر اعظم جمعرات کو جموں پہنچیں گے اور وہاں سے وہ راجوری کے نوشہرہ سیکٹر روانہ ہوں گے اور کنٹرول لائن پر فوجی اہلکاروں کے ساتھ دیوالی کا تہوا ر منائیں گے۔ وزیر اعظم کی آمد کے تعلق سے حفاظتی انتظامات بھی سخت کر دیے گئے ہیں، ساتھ ہی سرحدوں پر بھی فوج کو چوکس کر دیا گیا ہے۔ اس سفر میں وزیر اعظم کے ہمراہ فوجی سربراہ و سول حکام اور دیگر افسران بھی ہوں گے۔
