(نئی دہلی) عسکریت پسندوں سے نمٹتے وقت از جان ہونے والے نیم فوجی دستوں کے اہلکاروں کے لواحقین کو اب 35لاکھ روپے امدادکی صورت میں دیئے جائینگے، اس اسکیم پریکم نومبر 2021سے عمل شروع ہوگا۔ تاہم دوسرے معاملات میں جان گنوانے والے فورسز اہلکاروں کو پہلے سے ہی لاگو کی گئی اسکیم کے تحت امداد فراہم کی جائیگی۔ مرکزی وزارت داخلہ کی جانب سے جموں وکشمیر میں عسکریت پسندوں سے نمٹتے وقت جان بحق ہونے والے سی آر پی ایف سی آئی ایس ایف کے جوانوں کوجان گنوانے کی صورت میں 35لاکھ روپے ان کے رشتہ داروں کوفراہم کئے جائینگے اور اس ضمن میں وزارت داخلہ نے 23نومبر کوباضابطہ طور پراحکامات صادرکئے۔ حکم نامے پریکم نومبر 2021سے عمل در آمد شروع ہوگا۔ وزارت داخلہ کے حکم نامے میں کہاگیاہے کہ فورسز کے دوسرے جوانوں کوجان گنوانے کی صورت میں پہلے ہی اٹھائے گئے اقدامات کے تحت امدادی رقم فراہم کی جائیگی تاہم عسکریت سے نمٹنے کے لئے جان گنوانے والے جوانوں کے نزدیکی لواحقین کو35لاکھ روپے امداد کی صورت میں فراہم کئے جائینگے۔سی آر پی ایف کواس اسکیم کے لاگوہونے سے پہلے 21لاکھ 5ہزار روپے، سی آ ئی ایس ایف کو15لاکھ 25ہزار اورآئی ٹی بی پی کو20لاکھ 50ہزار، تاہم نیم فوجی دستوں کے جوانوں کوعسکریت سے نمٹنتے وقت جان گنوانے کی صورت میں اب ان کے رشہ داروں کوفی کس 35لاکھ روپے فراہم کئے جا ئینگے ۔
