(سرینگر) جموں وکشمیر کے لوگوں کو دور جدید کے چلینجوں کاہم آہنگ بنانے اور انہیں ہرطرح کی سہولیت بہم پہنچانے کاعندیہ دیتے ہوئے جموں و کشمیرکے لیفٹننت گورنر نے کہا کہ ساتھ دہائیوں کے طویل وقت کے بعد جموںو کشمیر کے لوگوں کو بہتر ترقی کاموقع ملاہے اور تعمیر وترقی کویقینی بنانے میں جموں و کشمیرکے لوگ سرکارکے ساتھ برپورتعاون فراہم کر رہے ہے۔ سرکار عوامی مشکلات کاازالہ کرنے میں کوئی بھی دقیقہ فروگزاشت نہیں کررہی ہے اور مناسب اقدامات اٹھائے جارہے ہے۔ مرکزی وزیرخزانہ نرملا سیتا رمن کے جموں پہنچنے کے موقعے پرمنعقدکی گئی ایک تقریب پرتقریر کرتے ہوئے لیفٹننٹ گورنر اپنے اس موقف کوپھردہرایا کہ دورجدید کے چلینجوں کاہم آہنگ بنانے کے سلسلے میں جموںو کشمیرکونہ تونظرانداز کیاجاسکتاہے اور نہ اس ضمن میں غفلت یاغیرسنجیدگی کا مظاہراہ کیاجاسکتاہے۔ انہوں نے کہاکہ تعمیر وترقی روزگار صنعتوں کاقیام اعلیٰ میعار کے پودے، کسانوں کواعلیٰ میعار کابیج ا ور دوسری سہولیا ت فراہم کرنے کے ضمن میں جموں و کشمیر سرکار رواں دواں ہے اورمرکزی حکومت کے تعاون سے مرکزی زیرانتظام علاقے میں لوگوں کی بہبودی اور بہتری کے ضمن میں کوئی دقیقہ فروگزاشت نہیں کیاجاسکتا۔ لیفٹننٹ گورنر نے کہا کہ پہلی بار جموں وکشمیرمیں کسانوں کوناگہانی آفت کے دوران فصلوں کوہونے والے نقصان کے بر پائی کے لئے کراپ انشورنس اسکیم کے دائرے میں لایاگیا اور کسانوں کواعلی میعار کے آم اُگانے کے خاطر ہائی بریڈ پودے فراہم کئے گئے ہیں۔ انہوں نے کہا کہ جموں و کشمیر میں خواتین کو بااختیاربنانے اور خود انحصاری کی راہ پرکئی طرح کے اقدامات اٹھائے گئے۔ پاکستان کے رفیوجیوں کوان کاحق دلانے کے لئے بھی کارروائی عمل میں لائی گئی۔ ایل جی منوج سنہا نے کہا کہ پچھلے 72برسو ں کے طویل عرصے کے بعد جموں وکشمیرکے لوگوںکوترقی کے منزلوں پرگامزن ہونے کاموقع فراہم نہیں کیاگیا اور جموں و کشمیر کاخصوصی درجہ واپس لینے کے بعد اب جموں و کشمیرکے لوگوں کوجہاں دورجدید کے چلینجوں کاہم آہنگ بنانے کامرکزی حکومت کے تعاون سے اقدامات اٹھانے کاسلسلہ شروع کیاگیاہے، اس پر اب سنجیدگی کے ساتھ قائم رہنا ہوگا تاکہ جموں وکشمیر کے لوگوں کوجدید دور میں ان تمام چلینجوں سے نمٹنے کاموقع فراہم ہوگا جن کاانہیں اس وقت سامناکرنا پڑ رہا ہے۔
لیفٹنٹنٹ گورنر نے اپنے خطاب کے دوران کہاکہ پچھلے دو برسوں کے دوران جموں و کشمیرمیں سڑکوں کی تعمیر مرمت اور کشادگی کے لئے ہزاروں کروڑ روپے خرچ کئے جارہے ہے جبکہ کئی ٹنلوں کاکام بھی جاری ہے۔ انہوں نے کہا کہ جموںو کشمیر میں لوگ سرکار کے ساتھ ہرایک معاملے میں برپورتعاون فراہم کررہے ہے جومستقبل کے حوالے سے خوش آئینداقدام ہے۔ انہوںنے کہا کہ جموںو کشمیرکی ترقی وقت کی اہم ضرورت ہے تاہم کئی عناصرجموں وکشمیرمیں آگ لگانے کے کھیل کوبھی جاری رکھنا چاہتے ہے تام ایسے عناصرکے ناپاک ارادوں کوکسی بھی صورت میں کامیاب نہیں ہونے دیاجائیگا ۔ (انفو)
