(شوپیان) پولیس کے مطابق فوج کی 44 آر آر، سی آر پی ایف اور جموں و کشمیر پولیس نے ضلع شوپیان کے ڈوونی شرمال علاقے میں تلاشی آپریشن شروع کیا، جس دوران فورسز اہلکاروں نے دو سرگرم عسکریت پسند شاہد گلزار گنائی ولد گلزار احمد گنائی ساکنہ ڈوونی شرمال اور کفایت ایوب گنائی ساکنہ پنجورہ شوپیان کو گرفتار کر لیا ہے۔پولیس بیان کے مطابق دونوں عسکریت پسندوں سے ہتھیار جن میں ایک چائنیز پستول، ایک میگزین، دو گرینیڈ وغیرہ برآمد کیے ہیں۔ ساتھ ہی ان کے قبضہ سے تقریبا تین لاکھ روپے بھی برآمد کیے گئے ہیں۔ شاہد گلزار گنائی کے تعلق سے یہ بات سامنے آئی ہے کہ گزشتہ ماہ کی 9 تاریخ کو شاہد نے عسکریت پسندی کا راستہ اختیار کیا تھا۔
