(پونچھ) ضلع پونچھ سے تعلق رکھنے والے سابق قانون ساز کونسل کے رکن یشپال شرما حرکت قلب بند ہونے کی وجہ سے اس دنیا کو خیر آباد کہہ گیے ہیں۔ خاندانی ذرائع کے مطابق یشپال شرما کی موت سنیچر اور اتوار کی درمیانی رات کو اچانک حرکت قلب بند ہونے کی وجہ سے پونچھ میں واقع ہوئی ہے۔ یاد رہے یشپال شرما کا تعلق جموں کشمیر پیپلز ڈیموکریٹک پارٹی سے تھا اور ان کی عمر 76 سال کے قریب بتاٸی جا رہی ہے۔ یشپال شرما کو شیرِ پونچھ کے نام سے بھی جانا جاتا ہے۔
